Katak 27 in 27 • ⏱ 10–15 minutes • ✅ Ejelok wōnāān • 📖 Bible-based
Ejelok bar jeblak — Ñe ej tōpar jikin eo ejelok jeblak
Ta eo enana jen jorrāān in enbwin? Tōpar juon tōre ilo jem̧jerā eo am̧ ippān Anij ijo ejjeļo̧k men ej pād wōt n̄an kōjepļaaktok eok. Katak in ej etale ta melelein Bible eo kin point in ejelok bar jeblak, ewi wawein an Jitõb Kwojarjar jerbal ñan kareel im tel kij, im etke ad jumae ainikien eo An elõñ alen emaroñ tellok ñan jajelokjen ilo jitõb. Kwonaaj loe jorrāān eo an kōjekdo̧o̧n im̧we ko an Anij im kōjatdikdik eo kar leļo̧k n̄an ro rej uwaake kūr eo An.
1. Ta jerawiwi eo Anij ejjab maroñ jeorlok?
“Armej renaaj jeorļo̧k bōd otemjej im blaspim otemjej, a blaspim ņae Jetōb reban jeorļo̧k bōd” ( Matu 12:31 ).
Uak: Jerawiwi eo Anij ejjab maroñ jeorlok ej “blasphem nae Jitõb.” Ak ta melelen “blaspim nae Jitõb”? Elōñ kain tõmak ko an armij ro kin jerawiwi in. Jet rej tõmak bwe ej uror; jet, rej kajirere kin Jitõb Kwojarjar; jet, rej mõn ir make; jet, mõn juon niñniñ eo ejjab lotak; jet, juon kajekdon Kraist; jet, juon jerbal enana, nana; im jet, rej kabuñ ñan anij riab. Kajjitōk eo tok juon enaj letok jet meram ko rejimwe kin men in eaorōk.
2. Ta eo Baibõl̦ ej ba kõn jerawiwi im blaspim?
“Armij naj jeorlok bwir im blaspim otemjej” (Matu 12:31).
Uak: Bible eo ej ba bwe aolep kain jerawiwi im blasphem renaj jeorlok. Innem ejelok ian jerawiwi ko ilo kajitok 1 ej jerawiwi eo Anij ejjab maroñ in jeorlok. Ejelok juon wōt jerbal in jabdrewot kain ej jerawiwi eo ejjab maroñ in jeorlok bwid. Emaroñ in einwot ejjab jimwe, ak nan kein ruo rej mol:
A. Jabdewōt im aolep kain jerawiwi im blasphem renaj jeorlok.
B. Blasphem ak jerawiwi eo nae Jitõb Kwojarjar eo ejamin jeorlok.
Jisōs ear kwalok nan kein ruo
Jisōs ear kōmmane men kein ruo ilo Matu 12:31, innem ejelok bōd ijin. Ñan kōmman bwe nan kein ren jejjet, jej aikuj in lo jerbal eo an Jitõb Kwojarjar.
3. Ta jerbal eo an Jitõb Kwojarjar?
“E [Jetōb Kwojarjar] enaaj kwaļo̧k n̄an laļ kōn jero̧wiwi, im kōn wānōk, im kōn ekajet.… Enaaj tōl kom̧ ilo m̧ool otemjej” ( Jon 16:8, 13 ).
Uak: Jerbal eo an Jitõb Kwojarjar ej ñan kalikar kij kin jerawiwi im ñan tel kij ñan mol otemjej. Jitõb Kwojarjar ej maroñ eo an Anij ñan oktak. Elañe ejelok Jitõb Kwojarjar, ejelok armij ej eñjake buromõj kin jerawiwi, im ejelok armij ej oktak.
4. Ñe Jitõb Kwojarjar ej kalikar kij kin jerawiwi, ta eo jej aikwij kõmmane bwe jen jeorlok bwid?
“Eļan̄n̄e jej kwaļo̧k jerawiwi ko ad, E tiljek im wānōk bwe En jeorļo̧k ad bōd im karreoik kōj jān jab wānōk otemjej” ( 1 Jon 1:9 ).
Uak: Ñe jej bōk jerawiwi jen Jitõb Kwojarjar, jej aikuj kwalok jerawiwi ko ad bwe jen maroñ jeorlok ad bwid. Ñe jej kwalok ir, Anij ejjab baj jeorlok bwid ak ej bareinwõt karreoik kij jen jab wānōk otemjej. Anij ej kõttar im bojak in jeorlok am bwid kin jabdrewot im aolep jerawiwi ko kwomaroñ kōmmane (Sam 86:5), ak elañe kwoj kwalok im jolok.
5. Ta eo ej walok elañe jejjab kwalok jerawiwi ko ad ñe Jitõb Kwojarjar ej liakelok kij?
“Eo ej kalibubu jerawiwi ko an e jamin jerammõn, a eo ej kwalok im jolok bwir ko an, enaj bõk tiriamokake” (Jabõn Kennan Ko 28:13).
Uak: Elañe jejjab kwalok jerawiwi ko ad, Jisōs ejjab maroñ in jeorlok bwid ko ad. Kin menin, jabdewōt jerawiwi jejjab kwalok ejjab maroñ in jeorlok bwid mae ien jej kwalok, kinke jeorlok bwid ej iien otemjej lor kwalok bōd. Ejjab walok mokta jen e.
Kauwōtata eo elap an jumae Jetōb Kwojarjar
Jum̧ae Jetōb Kwojarjar ej lukkuun kauwōtata kōnke ej lukkuun pidodo an tōlļo̧k n̄an lukkuun rejetake Jetōb Kwojarjar, eo ej jerawiwi eo Anij ejjab maron̄ jeorļo̧k bōd kake. Ej eļļā jān tōre eo ejjeļo̧k jepļaaktok. Kinke Jitõb Kwojarjar ej maroñ eo wõt kar letok ñan bõktok kij ñan liki, elañe jej jolok E ñan indio, case eo ad tokelik ejjelok kejatdikdik. Men in elukkun aurõk bwe Anij ej kwalok im kamelele kake ilo elõñ wãwen ko ilo Jeje ko. Lale melele kein reoktak jen dron ilo am wōnmanlok wōt im etale Bok in Katak in.
6. Ñe Jitõb Kwojarjar ej kalikar kij kin jerawiwi ak ej tellok kij ñan mol eo ekãl, ñããt eo jej aikwij jerbal?
Uak: Bible eo ej ba:
A. “Iar mõkaj, im jab rumij in bokake kien ko Am” (Sam Ko 119:60).
B. “Lo, kiiō ej iien em̧m̧an, lo, kiiō ej raan in lo̧mo̧o̧r” (2 Korint 6:2).
C. “Etke kwoj kõttar, kwon jerkak im baptais, im kwale jerawiwi ko am, im kir etan Iroij” ( Jerbal 22:16 ).
Bible eo ej ba elõñ alen bwe ñe jej bõk bwid, jej aikwij kwalok ilo ien eo wõt. Im ñe jej katak mol eo ekãl, jej aikwij bõke ilo ejelok jorrãn.az
7. Ta kakkōl eo elap an Anij letok kin akwelap eo an Jitõb Kwojarjar eo An?
“Jetōb eo Aō e jamin tariņae ippān armej indeeo” (Jenesis 6:3).
Uak: Anij ej lukkun kakkōl bwe Jitõb Kwojarjar ejjab wõnmanlok wõt im akwelap ñan juõn armij bwe en oktak jen jerawiwi im bokake Anij.
8. Ilo ien ta eo Jitõb Kwojarjar ej bõjrak jen an akwelap ñan juõn armij?
“Kin men in Ij konono ñan ir ilo būrabōl ko, bwe … rej roñjake im jab roñjake” (Matu 13:13).
Uak: Jetōb Kwojarjar ej bōjrak an konono ñan juon armij ñe armij eo ej maroñ in roñjake ainikien. Bible eo ej kwalok kake einwõt roñjake ak jab roñjake. Ejelok tokjen ñan likit alarm clock eo ilo ruum eo an juon armij eo ejaroñroñ. Ejamin roñjake. Bareinwõt, juon armij emaron kōmman bwe en jab roñ an alarm clock jañ ilo an bar kilōk im jab jerkak. Ran eo ej itok ke alarm eo ej jañ im ejjab roñjake.
Jab kōjepel Jetōb Kwojarjar eo
Ejja āindein ippān Jetōb Kwojarjar. Elañe jej dāpij wōt E, juon raan Enaj konono ñan kij im jeban roñjake E. Ñe ej itok raan eo, Jitõb eo ej oktaklok jen kij kinke jaar maroñ in roñjake akwelap ko An. Jej eļļā jān tōre eo ejjeļo̧k jepļaaktok.
9. Anij, ikijen Jitõb Kwojarjar eo An, ej bõktok meram (Jon 1:9) im liki (Jon 16:8) ñan kajjojo armij. Ta eo jej aikuj kōmmane ñe jej bōk meram in jen Jitōb Kwojarjar?
“Ial an ro rewānōk ej āinwōt al eo ej romaak, im ej romaak wōt ñan raan eo e weeppān, iaḷ an ro ri nana ej āinwōt marok” (Jabōn Kōnnaan 4:18, 19). “Komin etetal ke meram ej bed ippemi, bwe marok en jab jibwe kom” (Jon 12:35).
Uak: Kien eo ilo Bible ej bwe ñe Jitõb Kwojarjar ej bõktok ñan kij meram ekãl ak tõmak kin jerawiwi, jej aikwij jerbal ilo ien eo wot—pokake ilo ejelok likjap. Elañe jej bokake im etetal ilo meram eo ilo ad bōke, Anij enaj wōnmanlok wōt im letok meram ñan kij. Elañe jej bōjrak, meram eo ewōr ibbed enaj jako, im jenaaj bed ilo marok. Marok eo ej itok jen juon jab kōnan im āliktata ñan lor meram ej tokjen ad jolok Jetōb eo, im ej likit kij ilo ejelok kejatdikdik.
10. Emaroñ ke jabdrewot jerawiwi erom jerawiwi nae Jitõb Kwojarjar?
Uak: Aet. Elañe jej lukkun bōjrak jen ad kwalok im jolok jabdrewot jerawiwi, jenaaj āliktata erom ro rejaroñroñ ñan akwelap eo an Jitõb Kwojarjar im ilo wãwen in jenaaj eļļā jen ien eo jejjab bar jeblak. Rein rej jet waanjonok ko ilo Bible:
A. Jerawiwi eo an Judas eo ejjab maroñ jeorlok ej an kōnan (Jon 12:6). Etke? Ear ke kinke Anij ear jab maroñ jolok bwid eo an? Jab! Ear jab maroñ in jeorlok bwid kinke Judas ear jab kōnan roñjake Jitõb Kwojarjar im kwalok im jolok jerawiwi eo an kin an kõnan. Tokelik ekar jab roñjake ainikien Jetōb eo.
B. Jerawiwi ko an Lucifer rejjab maroñ jeorlok rar utiej buru im kautiej e make (Aiseia 14:12–14). Ke Anij emaron jeorlok bwid kein, Lucifer ear jab kōnan roñjake mae ien eo ear jab maroñ in roñjake ainikien Jitõb eo.
C. Jerawiwi eo an Parisi ro ejjab maroñ jeorlok bwid ej air kar jab kōnan bōk Jisōs einwot Messaia eo ( Mark 3:22–30 ). Rar liki elõñ alen kin tõmak eo emol bwe Jesus ej Messaia eo —Nejin Anij eo emour. Ak rar kapen burueir im rar jab kõnan bõk E einwõt Ri Lomor im Iroij. Āliktata rar jab roñjake ainikien Jetōb eo. Innem juon raan, elikin juon kabwilōñlōñ eo ekabwilōñlōñ jen Jisōs, Parisi ro rar jiron armij ro bwe Jisōs ej bōk An kajoor jen devil eo. Kraist ear jiron ir ilo ien eo wot bwe lelok kajur in jerbal in kabwilōñlōñ ko An ñan devil eo ej kalikar bwe rar eļļā jen ien eo ejelok jeblak im rar naruon Jitõb Kwojarjar. Anij emaron kar, im ilo mõnõnõ enaj kar, jolok air bwid. Ak rar jab kōnan mae ien eo rar jab maroñ in roñjake Jetōb Kwojarjar im rar jab maroñ in bar tōpar er.
Ijjab maroñ in kālet tokjen ko
Ñe Jitõb ej kõmman akwelap eo An, jemaroñ kãlet ñan uak ak bõjrak, ak jejjab maroñ kãlet tokjen ko. Rej lukkun jejjet. Elañe jej uak aolep ien, jenaj erom einwõt Jesus. Jetōb Kwojarjar enaaj sil, ak kakōļļeik, kōj ilo bōrad āinwōt juon nejin Anij ( Revelesōn 7:2, 3 ), im kōn menin kam̧ool n̄an kōj juon jikin ilo aelōn̄ in kiin̄ eo an Anij ilan̄. Ak, elañe jej bōjrak jen ad jab uwaak, jenaaj kōmman an Jetōb Kwojarjar buromõj—im Enaaj etal jen kij ñan indeeo, im kalikar ad jako.
11. Ãlikin an kar Kiiñ Devid kõm̦m̦ane juon jerawiwi ekanooj in nana, l̦õñ im m̦an armej, ta jar eo ear jar kake?
“Kwon jab bōk Jetōb Kwojarjar eo Am̧ jān eō” (Sam 51:11).
Uak: Ear akwelap ñan Anij bwe en jab bōklok Jitõb Kwojarjar jen e. Etke? Kinke David ear jelā elañe Jitõb Kwojarjar ear etal jen e, ear jako jen ien eo. Ear jelā bwe Jetōb Kwojarjar wōt emaron tōl e ñan ukwelok im jepļaaktok, im ear wūdiddid ilo an ļōmņak in erom jaron̄ron̄ n̄an ainikien. Bible eo ej jiron kij ilo bar juon jikin bwe Anij ear likit Ephraim make kinke ear kobalok ibben ekjap ko an (Hosea 4:17) im ear jab roñjake Jitõb eo. Ear erom juon eo ejjab maroñ roñjake ilo jitõb. Men eo ekaburomõjmõj tata emaron walok ñan juon armij ej bwe Anij en oktak im likit e make. Jab kōtlok bwe en walok ñan yuk!
12. Ta kien eo eaorõk rijjilõk Paul ear lel̦o̦k ñan eklejia eo ilo Tessalonika?
“Komin jab kune Jitõb” (1 Tessalonika 5:19).
Uak: Akwelap eo an Jitõb Kwojarjar ej einwõt juõn kijeek ej urur ilo lemnak im buruen juõn armij. Jerawiwi ewōr an ejja jelet eo wōt ioon Jetōb Kwojarjar āinwōt an dān ioon kijeek. Ilo ad kajekdon Jitõb Kwojarjar im wõnmanlok wõt ilo jerawiwi, jej lutõk dren ion kijeek eo an Jitõb Kwojarjar. Nan ko relap an Paul ñan Ri Tessalonika ro rej bareinwõt jerbal ñan kij rainin. Jab jolok kijeek in Jitõb Kwojarjar ilo am jab bokake ainikien Jitõb eo. Elañe kijeek eo ej kun, jej eļļā jen jikin eo ejelok bar jeblak!
Jabdewōt jerawiwi emaron in kune kijeek eo
Jabdewōt jerawiwi eo ejjab kwalok ak jab jolok emaron in jolok kijeek eo an Jitõb Kwojarjar. Emaroñ kar m̧akoko in kōjparok Jabōt eo an Anij ilo raan eo kein kajiljilimjuon. Emaroñ in kar kajerbal alcohol. Emaroñ in likjab in jeorlok bwid eo an juon eo ear riab ak kōmman nana ñan yuk. Emaroñ kar mour in lũñ. Emaroñ in kar kejbãrok juon mõttan joñoul eo an Anij. Kōjekdo̧o̧n ainikien Jetōb Kwojarjar ilo jabdewōt jikin ej kōto̧o̧rļo̧k dān ioon kijeek eo an Jetōb Kwojarjar. Jab kune kijeek eo. Ejelok jorrāān elaplok emaron kar walok.
13. Ta bar juon naan in kabwilõñlõñ Paul ear ba ñan rũttõmak ro ilo Tessalonika?
“Ilo m̧oņ otemjej re jab wānōk ippān ro rej jako, bwe re jab bōk yokwe in m̧ool, bwe ren maron̄ bōk lo̧mo̧o̧r. Im kōn men in Anij enaaj jilkinļo̧k n̄an er m̧oņ ekajoor, bwe ren tōmak riab, bwe ren liaakeļo̧k er otemjej ro raar jab tōmak m̧ool a raar m̧ōņōņō ilo jab wānōk” ( 2 Dri Tessalonika 2:10–2–2 ).
Uak: Nan ko rekajur, im rekabwilōnlōn! Anij ej ba bwe ro rejjab kōnan bōk mol eo im liki eo ej itok jen Jitõb Kwojarjar renaj—elikin an Jitõb eo etal jen ir—bõk juõn lemnak ekajur ñan tõmak bwe bwid ej mol. Juon lemnok eo ekabūromōjmōj.
14. Ta eo ro kar jilkintok ir kin men kein rekajur renaj jelmae ilo ien ekajet eo?
“Elōñ renaj ba ñan Iō ilo raan eo, ‘Irooj, Irooj, kōm ar jab rūkaanij ilo Etaṃ ke, kadiwōjḷọk tiṃoṇ ro ilo Etaṃ ke, im kōṃṃan elōñ men in bwilōñ ko ilo Etaṃ ke?’ Innem inaaj ba ñan er, ‘Iar jab jeḷā koṃ, koṃwin ilọk jān Eō, koṃ ro rej kōṃṃan nana!’ ” (Matu 7:22, 23).
Uak: Ro rej lamõj “Iroij, Iroij” renaj bwilõñ bwe rej bed ie. Rej lukkun liki bwe rar lomoren ir. Jisōs enaj kakememej ir kin ien eo eaorōk ilo mour ko air ke Jitõb Kwojarjar ear bõktok mol im liki eo ekãl. Ekar lukkun alikar bwe ekar mol eo. Ear kōmman bwe ren kiki ilo boñ ke rej aitwerõk kin juon pepe. Ewi joñan an bwil burueir ilo ir! Āliktata, raar ba, “Jaab!” Rar jab kōnan roñjake Jitõb Kwojarjar. Innem ear itok juon lemnok ekajur eo ear kōmman bwe ren eñjake air lomor ke rar jako. Ewor ke bar juon jorrāān elaplok?
15. Ta nan in kakkōl ko rejejjet Jisōs ej letok ñan jibañ kij bwe jen jab tõmak bwe jej lomoren ke jej lukkun jako?
“Ejjab aolep ro rej ba ñan Eō, ‘Irooj, Irooj,’ renaaj deḷọñ ilo aelōñ in lañ, a eo ej kōṃanṃan ankilaan Jema ilo lañ” ( Matu 7:21 ).
Uak: Jisōs ear lukkun kakkōl bwe ejjab aolep ro ewōr aer eñjake in liki renaj deloñ ilo ailiñ eo An, ak, ro wōt rej kōmmane ankil An. Kōj aolep jej kōnaan bōk lomor—im Anij ekōnaan lomoren kij! Ak, ewōr juon nan in kamool eo ebōd ej jelet Christendom rainin eo ej kallimur ñan armij ro kin lomor ilo ien eo rej wōnmanlok wōt im mour ilo jerawiwi im jab kwalok jabdrewot oktak ilo mour ko air.
Jisōs ej karreoik mejatoto eo
Jisōs eaar ba bwe kam̧ool eo em̧ool ej n̄an ro rej kōm̧m̧ane ankilaan Jemān. Ñe jej bōk Jisōs einwõt Iroij im Iroij in mour ko ad, wãwen mour ko ad renaj oktak. Jenaaj erom juon menin mour ekāāl (2 Korint 5:17). Jenaaj m̧ōņōņō in kōjparok kien ko An ( Jon 14:15 ), kōm̧m̧ane ankilaan, im m̧ōņōņō in ļoor ijo Ej tōl ie ( 1 Piter 2:21 ). Kajoor in jerkakbiji eo an ekabwilōñlōñ (Dri Pilippai 3:10) ej ukōt kij ñan wāween E (2 Korint 3:18). Aenōmman eo an eaiboojoj ej kobrak mour ko ad (Jon 14:27). Ilo an Jisōs jokwe ilo kōj kōn Jetōb eo An (Dri Epesōs 3:16, 17 ), jej “maron̄ kōm̧m̧an men otemjej” ( Pilippai 4:13 ) im “ejjeļo̧k men eban maron̄” ( Matu 17:20 ).
Kalimur eo emool emman nae Kalimur eo ejjab mol
Ilo ad ļoor ijo Rilo̧mo̧o̧r ej tōl ļo̧k n̄ane, Ej kallim̧ur bwe ejjeļo̧k juon emaron̄ bōk kōj jān Pein ( Jon 10:28 ) im bwe juon kūrawūn in mour ej kōttar kōj ( Revelesōn 2:10 ). Ej juon menin kabwilōñlōñ, aiboojoj, im mol in kejbarok eo Jisōs ej lewoj ñan ri kalor ro An! Kalimur eo kar kallimur kake iumin jabdrewot jekjek ko jet ej riab. Enaj tellok armij ro ñan jikin ekajet eo an lañ, im eñjake bwe rej lomoren ir ke rej, ilo mol, jako (Jabõn Kennan Ko 16:25).
16. Ta kallimur eo an Anij ñan ri kalor ro an retiljek ro rej likit E Iroij in mour ko air?
“Eo ear jino jerbal eo emman ilo kom, enaj kamwijlok e mae ran eo an Jisõs Kraist.… Bwe Anij eo ej jerbal ilo kom bwe komin kõnan im kõmõne ñan an buñburuen emõn” ( Pilippai 1:6 ; 2:13 ).
Uak: Nebar Anij! Ro rej kōmman bwe Jisōs en Irooj im iroij in mour ko air rej kallimur kin menin bwilōñ ko an Jisōs me renaj lo ir ilo ejmour ñan ailiñ eo An indeeo. Ejelok men emmanlok jen menin!
17. Ta kallimur eo eaibujuij Jesus ej kwalok ñan kij aolep?
“Lo, Ij jutak iturin kōjām im kaļļaļļaļ, eļan̄n̄e jabdewōt ej ron̄ Ainikiō im kapeļļo̧k kōjām, Inaaj deļo̧n̄ n̄an ippān im m̧ōn̄ā ippān, im e Ippa” ( Revelesōn 3:20 ).
Uwaak: Jisōs ej kallimur bwe enaj deloñ ilo mour ko ad ñe jej kapelok kejem eo ñan E. Ej Jisōs eo ej kōjan̄jan̄ ilo kōjām in būruwōm̧ kōn Jetōb Kwojarjar eo An. E—Kiin̄ in kiin̄ ro im Rilo̧mo̧o̧r eo an laļ in—ej itok n̄an eok kōn iien otemjej, loļo̧k ko rem̧m̧an im tōl im kapilōk ko rem̧m̧an, im kea. Ej juon men in bwebwe bwe jen lukkun boub ak jab itoklimo ñan ejaake juon jemjerā eo emman, yokwe, im ej bed wot ibben Jisōs. Ro jeran Jisõs rebak rejamin bed ilo kauwatata in air jolok ir ilo ran in ekajet eo. Jisōs enaj make karwaineneik ir ilo ailiñ eo An (Matu 25:34).
18. Kwonaaj ke pepe kiiō bwe kwon iien otemjej kōpeļļo̧k kōjām eo āinwōt an Jisōs kōjan̄jan̄ ilo būruwōm̧ im m̧ōņōņō in ļoor ijo Ej tōl eok ie?
Juon Naan in Jepel
Menin ej bok in katak eo eliktata ilo laajrak in 27. Kōņaan eo ad ej bwe kar tōl eok ñan im̧aan Jisōs im kar en̄jake juon jem̧jerā ekāāl em̧m̧an ippān. Kimij kejatrikrik bwe kwonaj etetal epaak ñan Master eo aolep raan im enaj mõkaj am kobalok ibben kumi eo emõnõnõ eo enaj ukõt ñan ailiñ eo An ilo ien eo An ej walok. Elañe jejjab iion doon ion lal in, jen errā ñan iion doon ilo kōdọ ko ilo raan eo elap.
Jouj im call ak jeje elañe jemaroñ bar jibañ yuk ilo ito-itak eo am ñan lañ.
Uwaak:
Kajjitōk ko ñan Ļōmņak
1. Bible eo ej ba bwe Anij ear kapen buruen Pharaoh (Exodus 9:12). Ejjab einwot jimwe. Ta melelen?
Jetōb Kwojarjar ej akweļap ippān armej otemjej, āinwōt an al romaak ioon aolep armej im men otemjej (Jon 1:9). Ejja al eo wōt ej kōmman bwe clay en pen ej barāinwōt kōmat wax. Jetōb Kwojarjar ewōr juon an jelet eo eoktak ioon būruwōd ekkar n̄an wāween ad ļōmņak kōn akweļap ko An. Elañe jej uwaak, buruōd renaj mera im jenaaj lukkun oktak (1 Samuel 10:6). Elañe jej jume, buruer renaj pen (Zekaraia 7:12).
Uwaak eo an Pero
Pharaoh ear lukkun kapen buruen make ilo an kar jumae Jitõb Kwojarjar eo (Exodus 8:15, 32; 9:34). Ak Bible eo ej bareinwõt konono kin an Anij kar kajur buruen kinke Jitõb Kwojarjar eo an Anij ear akwelap ñan Pharaoh. Ke Pharaoh ear jumae, buruen ear bin einwot an al kajur kle. Elañe Pharaoh ear roñjake, buruen enaj kar mōrā einwot an al mōrā wax.
Judas im Piter
Rikaļoor ro an Kraist Judas im Piter raar kwaļo̧k ejja pedped in katak in wōt. Erro jimor rar jerawiwi elap. Juon ear ketak im eo juon ear kajekdon Jisōs. Ta eo enanalok? Wōn emaron in kwalok? Ejja Jetōb Kwojarjar eo wōt eaar akweļap n̄an erro jim̧or. Judas ear make dāpij e make, im būruon ear erom āinwōt dekā. Piter, ilo bar juon wāween, eaar bōk Jetōb eo im būruwōn eaar m̧ōļo. Ear lukkun ukwelok im tokelik ear erom juon ian ri kwalok ro relap ilo kabuñ eo mokta. Riiti Zechariah 7:12, 13, ñan nan in kakkōl eo an Anij kin kōmman bwe en pen buruer nae ad roñjake im bokake akwelap ko an Jitõb eo An.
2. Ej ke emman ñan kajitõk kin kakõlle ko jen Iroij mokta jen am kãlet bokake?
Ilo Kallimur Ekāāl, Jisōs eaar kōnono ņae kajjitōk kōn kakōļļe ko, im ba, Juon epepen enana im ļōn̄ ej pukōt juon kakōļļe ( Matu 12:39 ). Ear katakin mol im rejetake jen Kallimur Mokta, eo ej Jeje ko rar bed ilo ien eo. Rar lukkun melele kin ta eo Ear ba. Rekar barāinwōt lo menin bwilōn̄ ko An, ak rekar rejetake wōt E. Tokālik Ear ba, Eḷaññe re jab roñjake Moses im ri kanaan ro, re jāmin tōmak eḷaññe juon ej jerkakpeje jān ro re mej ( Luk 16:31 ). Bible eo ej jiroñ kij bwe jen mālejjon men otemjej ikijen Jeje ko (Aiseia 8:19, 20). Elañe jej kallimur ñan kōmmane ankilaan Jisōs im lor ijo Ej tellok ie, Ej kallimur bwe Enaj jibañ kij kile mol jen bwid ( Jon 7:17 ).
3. Ewōr ke iien jar ejjab jipan̄?
Aet. Elañe juon armij ej jab bokake Anij (Sam Ko 66:18) ak ej kajitõk ibben Anij bwe en kejerammõn e meñe ejjab karõk in oktak, jar eo an armij eo ejjab baj ejelok tokjen, ak Anij ej ba ej juõn men in jõjõ (Jabõn Kennan Ko 28:9).
4. Ij inebata bwe imaroñ kar jolok Jitõb Kwojarjar im jab maroñ in jeorlok bwid. Kwōmaroñ ke jipañ eō?
Kom ar jab jolok Jitõb Kwojarjar. Kwomaroñ jelā menin kinke kwoj eñjake inebata ak bōd. Ej Jitõb Kwojarjar eo wõt ej bõktok ñan yuk inebata im liki ( Jon 16:8–13 ). Elañe Jitõb Kwojarjar ear etal jen yuk, enaj kar ejelok inebata ak liki ilo buruõm. Lañliñ im nebar Anij! Lelok ñan E mour eo am kiõ! Im ilo jar ļoor im pokake E ilo raan ko rej itok. Enaj lewoj am anjo (1 Korint 15:57), rejetake yuk (Pilippai 2:13), im kejbãrok yuk mae ien eo An jeblaktok (Pilippai 1:6).
5. Ilo būrabōl eo kōn rikallib eo ( Luk 8:5–15 ), ta meļeļein ine eo eaar wōtlo̧k iturin iaļ eo im bao ko raar kañe?
Bible eo ej ba, Ine eo ej nan in Anij. Ro rej pād iturin iaḷ rej ro rej roñjake; innem devil ej itok im bōklok nan eo jen burueir, bwe ren jab tõmak im mour ( Luk 8:11, 12 ). Jisōs ekar kwalok bwe ñe jej melele kin ta eo Jitõb Kwojarjar ej kajitõk ibbed ñan kõmmane ikijen meram ekãl jen Jeje ko, jej aikwij jerbale. Elañe jaab, devil eo ewōr an ien emman ñan jolok mol eo jen lemnok ko ad.
6. Ekōjkan an Irooj maron̄ ba Ikar jab jeļā kajjiem̧ n̄an armej ro Ej kōnono n̄an er ilo Matu 7:21–23 ? Ikar lemnok bwe Anij ejelā aolep armij im men otemjej!
Anij ej jitōñ ijin ñan jelā juon armij einwot juon eo mōttam. Jej jelā E einwot juon m̧ōttad n̄e jej kōnono ippān raan otemjej kōn jar im ekkatak Baibōļ, ļoor E, im kwaļo̧k ilo anemkwoj ippān m̧ōņōņō ko ad im būrom̧ōj ko ad āinwōt ippān juon m̧ōttad ioon laļ in. Jisōs eaar ba, Kom̧ij ro m̧ōtta eļan̄n̄e kom̧ij kōm̧m̧an jabdewōt men Ij jiron̄ kom̧ (Jon 15:14). Armej ro rej konono kaki ilo Matu jebta 7 renaj kar jolok Jitõb Kwojarjar eo An. Renaj kar bōk lomor ilo jerawiwi ak lomor ilo jerbal ko ejelok juon iaer ej aikuji Jisōs. Rej juon armij ro rej make kōmmane ir im rejjab bōk ien ñan air jelālokjen kin Rilomor eo. Kin menin, Ear kamelele bwe Ejamin kar maroñ in lukkun jelā kajjier, ak jelā kajjier, einwot ro mōttan make.
7. Kwõmaroñ ke kõmel̦el̦eik Epesõs 4:30 ?
Eoon eo ej ba, Jab kainepataik Jetōb Kwojarjar an Anij, eo kar sil kom kake ñan raan in pinmuur. Paul ijin ej kwalok bwe Jitõb Kwojarjar ej juon men eo ej make wõt, kinke armij ro wõt remaroñ buromõj. Men eo elaptata an aorōk, ej kalikar bwe Jitõb Kwojarjar eo an Kraist emaron in buromõj kin aō jolok akwelap ko An. Einwot an juon iiaio emaron jemlok ñan indeeo ilo an bar juon alen an juon ian armij ro jab kōnan an bar juon, innem kõtan eo ad ibben Jitõb Kwojarjar emaron jemlok ñan indeeo ilo ad jab kõnan uwaake nan in yokwe ko An.
Armij eo ñan kebaak
📌Jikin:
Muskogee, OK USA
📧 Email:
team@bibleprophecymadeeasy.org
