Katak 3 in 27 • ⏱ 10–15 minutes • ✅ Ejelok wōnāān • 📖 Bible-based
Anij ej ke lukkun kea kake yuk?
Elõñ armij rej lemnak elañe Anij ej lukkun lale ak kaorõk mour eo air. Katak in ej kwalok uak ko an Bible ñan kajitõk ko ikijen yokwe eo An, jeorlok bwid, im karõk in lomoren armij. Kwonaaj loe wāween an karōk eo An bōktok kōjatdikdik, aenōm̧m̧an, im kōttōpar jekdo̧o̧n ilo juon laļ eo erup.
1. Anij ej ke lukkun kea kake yuk?
Men in ej ta eo Ear ba: “Kōnke kwaar aorōk im̧aan Meja, kwaar kautiej eok,
im I ar yokwe kom” (Aiseia 43:4).
“Aet, I ar yokwe yuk kin juon yokwe in drio” (Jeremaia 31:3).
Uak: Yokwe eo an Anij ñan yuk ej laplok jen melele eo an armij. Enaj kar
yokwe yuk meñe kwe wōt armij eo ear jako ilo lal in. Im Jisōs enaj kar lelok An
mour ñan kwe meñe ear ejelok bar juon ri jerawiwi ñan lomoren. Jab meloklok bwe kwoj
aorōk iman mejen. Ej yokwe yuk im elap an kea kake yuk.
2. Ewi wāween an Anij kwaḷọk yokwe eo An
ñan kwe?
“Bwe joñan an Anij yokwe lal, Ear letok Nejin eo ej make wōt, bwe jabdewōt eo ej lōke E en jab jako, a en mour indeeo” (Jon 3:16).
“Ilo men in yokwe eo an Anij ear walok ñan kij, bwe Anij ear jilkintok Nejin eo ej make wōt ñan lal, bwe jen mour kin E. Ilo men in yokwe, jab bwe jaar yokwe Anij, a bwe Ear yokwe kij im jilkintok Nejin bwe En katok kin jerawiwi ko ad” ( 1 Jon 4:9, 10 ).
Uwaak: Kinke Anij ej lukkun yokwe yuk, Ear mõnõnõ in jilkintok Nejin eo ej make wõt bwe en eñtan im mij jen an jebel jen yuk ñan indio. Emaroñ pen ñan lukkun melele kin kain yokwe rot in, ak Anij ear kōmmane ñan yuk!
Jesus’ love for you is clearly seen in His willingness to forgive your sins and His desire to give you victory over every temptation in your life!
3. Ewi wāween An kar iakwe juon armej āinwōt kwe?
Anij ej kwalok yokwe eo An make ñan kij, ilo an ke jaar ri jerawiwi, Kraist ear mij kin kij (Dri Rom 5:8).
Uak: Emool jab kinke ewōr juon ej tellokin bōke. Ejelok juon armij ear bōk jabdrewot ijellokin wōnan jerawiwi, eo ej mij (Dri Rom 6:23). Ak yokwe eo an Anij ejjab jemlok. Ej yokwe ro rar kwot, ro rar lũñ, im bareinwõt ro rar uror. Ej yokwe ro rej lemnok wōt kin ir make, ro rej riab, im ro rej addict. Jekdon ta eo kwar kōmmane, ak ta eo kwoj kōmmane, Ej yokwe yuk im Ekōnan lomoren yuk jen jerawiwi im tokjen ko an renana.
4. Ta eo mij eo an Jisōs ear kōmmane ñan kwe?
“Lo ewi joñan an Jemed yokwe kij, bwe ren naetair ro nejin Anij!” (1 Jon 3:1).
“Jabdewōt ro raar bōk E, Ear leļo̧k n̄an er jim̧we bwe ren erom ro nejin Anij, n̄an ro rej tōmak ilo Etan” ( Jon 1:12 ).
Uak: Kraist ear mij ñan kabwe kaje in mij nae yuk. Ear lotak juon armij bwe En maroñ in eñtan kin kain mij eo aolep ri jerawiwi ro rej aikuji. Im kiõ, rainin, Ej lewoj ñan yuk nebar kin ta eo Ear kōmmane. Mour eo an ejelok jerawiwi ej lelok ñan yuk bwe kwon maroñ in watõk yuk einwõt ro rewãnik. Mij eo an kar bōke jen Anij einwot wōnan aolep bōd ko am, im ñe kwoj bōk ta eo Ear kōmmane einwot juon menin letok, kwoj bōk eok ñan baamle eo an Anij make einwot nejin.
5. Ewi wāween am bōk Jisōs im eļļā jān mej n̄an mour?
Kwon kwalok jilu men ko:
1. Ña ij juon ri jerọwiwi. “Aolep rar jerawiwi” (Dri Rom 3:23 ).
2. Ij aikuj mej. “Wōnāān jerawiwi ej mej” (Dri Rom 6:23 ).
3. Ijjab maroñ in lọmọọren eō make. “Eļan̄n̄e ejjeļo̧k N̄a kom̧ij jab maron̄ kōm̧m̧an jabdewōt” ( Jon 15:5 ).
Innem, tõmak jilu men ko:
1. Ear mej kōn ña. “Bwe [Jisōs] … en maroñ in mej kin armij otemjej” (Dri Hibru 2:9 ).
2. Ej joḷọk aō bōd. “Eļan̄n̄e jej kwaļo̧k jerawiwi ko ad, E tiljek im wānōk n̄an jeorļo̧k ad bōd” ( 1 Jon 1:9 ).
3. Ej lọmọọren eō. “Eo ej tōmak ilo N̄a ewōr an mour indeeo” ( Jon 6:47 ).
Uak: Lemnok kin mol kein rej ukōt mour:
• Kin jerawiwi ko ao, ij bed iumwin juon ekajet in mij.
• Ijjab maroñ in kōllā wōnāān in ilo aō jab luuji mour indeeo. Inaaj kar mej ñan indeeo.
• Ewōr aō m̧uri kōn juon men eo ijjab maron̄ kōļļāiki! Ak Jisōs ej ba, Inaaj kōllā wōnāān eo. Inaaj mej ilo jikin eo am im lewoj nōbar ñan kwe. Kwojjab aikuj in mij kin jerawiwi ko am.”
• Ij bōk menin letok eo An! Ilo ien eo ij kile aō mweiuk im bōk mij eo An kin jerawiwi ko ao, ij erom nejin! (Epidodo, ejjab ke?)
6. Ta eo jej aikuj kõm̦m̦ane bwe jen maroñ bõk menin letok in ñan lo̦mo̦o̦r?
“[Jej] wānōk ilo ejjeļo̧k wōņāān kōn jouj eo An kōn pinmuur eo ej ilo Kraist Jisōs” (Dri Rom 3:24 ).
"Juon armij ej wānōk kin tõmak im jab jerbal ko an kien" (Dri Rom 3:28).
Uwaak: Men eo wot kwomaroñ kōmmane ej ñan bōk lomor einwot juon menin letok. Jerbal in pokake ko ad rejamin jibañ kij bwe jen wānōk kinke emoj ad jerawiwi im jej tellokin mij. Ak aolep ro rej kajjitōk ilo tōmak kōn lo̧mo̧o̧r renaaj bōke. Ri jerawiwi eo enana tata ej bōk e einwot eo ej jerawiwi ediktata. Men ko remotlok rejjab bōk jikin ñan yuk! Kememej, Anij ej yokwe armij otemjej im jeorlok bwid ej baj ñan ro rej kajitõk. “Kin jouj emwij lomoren kom kin tõmak, im men in e jab jen kom make, ej men in letok an Anij, jab jen jerbal ko, bwe ejelok en kimjãje” (Dri Epesõs 2:8, 9 ).
Kajoor eo an Jisōs ej ukōt juon ri jerawiwi eo ekauwatata ñan juon rikwojarjar eo ej yokwe.
7. Ñe kwoj kobalok ibben baamle eo An ikijen tõmak, ta oktak eo Jisōs ej kōmmane ilo mour eo am?
“Eļan̄n̄e jabdewōt armej ej pād ilo Kraist, e men in kōm̧anm̧an ekāāl, men ko m̧okta re jako, lo, men otemjej re kāāl” ( 2 Korint 5:17 ).
Uak: Ñe kwoj bōk Kraist ilo buruōm, Ej jino jerbal in kokkure mour eo am etto im ukōt eok ñan juon menin mour ekãl ilo jitõb. Ilo lañliñ, kwoj jino eñjake anemkwoj eo eaiboojoj jen bwid im liakelok, im mour in jerawiwi eo etto ej erom men in kajirere ñan yuk. Kwonaj lo bwe juon minit ibben Anij ej letok elaplok mõnõnõ jen juon mour in ri kamakoko an devil. Ej juon oktak! Etke armij rej kõttar iumin ien eo elap ñan air bõke?
Ejelok lañliñ ion lal emaroñ keidi ñan lañliñ im lañliñ eo an juõn mweo imõn Christian.
8. Mour in emōj an oktak enaj ke lukkun mõnõnõ jen mour in jerawiwi eo am mokta?
Jisōs eaar ba, “Men kein Iar kōnono ñan koṃ ... bwe ami lañlōñ en obrak” ( Jon 15:11 ).
“Elañe Nejin ej kōtlok kom, kom naj anemkwoj emol” ( Jon 8:36 ).
“Iar itok bwe ren bōk mour, im bwe ren bōk e en lōñ” ( Jon 10:10 ).
Uak: Elōñ rej lemnok bwe mour in Christian ejamin juon mour in mõnõnõ kin air kajekdon ir make. Ej mol! Ñe kwoj bōk yokwe eo an Jisōs, lañliñ ej walok ilo kwe. Meñe ien ko rebin rej itok, Ri Christian eo emaron enjake an Anij bed ilo an maroñ anjo im jibañ ilo ien aikuj (Dri Hibru 4:16).
9. Kwomaroñ ke kōmman bwe kwon kōmman aolep men ko dri Kristian ro rej aikuj in kōmmane?
Eṃōj debwāāl eō ippān Kraist; ejjab ña ij mour, ak Kraist ej mour ilo ña (Galatia 2:20).
Imaroñ kōmmane men otemjej ilo Christ eo ej kakajur io (Pilippai 4:13).
Uak: Ijin ej ijo men in bwilōñ eo elaptata an mour in Christian ej walok ie. Ejelok am aikuj in kōmman bwe kwon emman! Ta eo kwoj kōmmane einwot juon Rikirijin ej an bar juon armij walok ilo kwe. Pokake ej uwaak eo an yokwe ilo mour eo am. Ilo am lotak jen Anij, einwot juon menin mour ekãl, kwoj kōnan bokake E kinke mour eo An emoj an erom juon mõttan mour eo am. Ñan kamõnõnõik juõn eo kwoj yokwe ejjab juõn eddo, ak juõn men in kamõnõnõ. “I mõnõnõ in kõmõnmõn ankil Am, O aõ Anij: aet, kiõm ej ilo buruõ.” Sam 40:8.
10. Melelen ke men in bwe meñe Kien ko Joñoul rejamin bin ñan bokake?
“Elañe komij yokwe Iõ, komin bokake kien ko Aõ” ( Jon 14:15 ).
“Bwe men in yokwe Anij, bwe jen bokake kien ko An, im kien ko An re jab eddo” (1 Jon 5:3).
“Jabdewōt eo ej kōjparok An in naan, e ṃool yokwe an Anij ej weeppān ilo e” (1 Jon 2:5).
Uak: Bible eo ej kobaik bokake ñan juon yokwe emol ñan Anij. Ri Christian ro rejamin loe bwe ej juon men in inebata ñan kejbãrok Kien ko Joñoul. Ilo an aolep jerawiwi ko am kar kalibubu kin mij eo an Jisōs, am bokake ej bedbed ion mour in anjo eo An ilo kwe. Kinke kwoj lukkun yokwe E kin an kar ukōt mour eo am, kwonaj lukkun etal jen joñan ko ilo Kien ko Joñoul. Kwonaj etale ilo Bible eo ñan jelā ankil An, im kajeoñ in bukot elaplok wewein ko ñan kwalok yokwe eo am ñan E.
Jabdewōt men jej kajjitōk jej bōk jān E, kōnke jej kōjparok kien ko An im kōm̧m̧ani men ko rej kam̧ōņōņōik im̧aan mejān (1 Jon 3:22, kōmeļeļe eo eaorōk kar kobaiktok).
11. Ewi wãwen am maroñ liki bwe kejbãrok Kien ko Joñoul ejjab juõn men in kien?
Ijin kijenmij an ro re remōn; ijin ro rej kōjparok kien ko an Anij im tōmak eo an Jisōs ( Revelesōn 14:12 ).
[Ro rekwojarjar] rar anjo ion [Setan] kin bõtõktõkin Lamb eo im kin nan in kennan eo air, im rar jab yokwe mour ko air ñan mij ( Reveles̃õn 12:11 ).
Uak: Legalism ej kajeoñ in bōk lomor ikijen jerbal ko remman jen am bōke einwot juon menin letok. Rikwojarjar ro ilo Bible eo rej kwalok ir einwõt ewõr emen kadkad ko ibbeir: (1) kejbãrok kien ko, (2) liki bõtõktõkin Lamb eo, (3) kwalok tõmak eo air ñan ro jet, im (4) kãlet ñan mij jen air jerawiwi. Men kein rej kakōlkōl ko remol an juon armij eo ej yokwe Kraist im ekōnaan lor E.
12. Ewi wãwen am maroñ liki bwe tõmak im yokwe eo ilo kõtan eo am ibben Christ enaj wõnmanlok wõt im laplok?
“Katak ilo Jeje ko” ( Jon 5:39 ).
“Jar im jab bōjrak” (1 Tessalonika 5:17).
“Innām āinwōt ami kar bōk Kraist Jisōs Irooj, āindein ami etetal ilo E” (Dri Kolosse 2:6 ).
“Ij mij ran otemjej” (1 Korint 15:31).
Yokwe eo am ñan Jisōs enaj bar laplok ilo am kwalok yokwe eo An ñan ro jet.
Uwaak: Ejelok kõtan eo an juon make emaron in emman elañe ejelok konono. Jar im katak Bible rej wewein konono ibben Anij, im rej aorōk ñan kōmman bwe kõtan eo am ibben en eddeklok. Nan eo an ej juon letter in yokwe eo kwonaj kōnan riiti aolep raan ñan kōkajoorlok mour in jitõb eo am. Kōnono ippān ilo jar enaaj kōļapļo̧k am̧ tiljek im kōpeļļo̧k ļōmņak eo am̧ n̄an juon jeļāļo̧kjeņ eo eļapļo̧k an kam̧ōņōņō im em̧wilaļ kōn wōn E im ta eo Ej pukōte ilo mour eo am̧. Kwonaaj loe melele ko rekabwilōnlōn kin An kar letok ñan am mõnõnõ. Ak kememej, einwot ilo kõtan ko jet, jako in yokwe emaron ukōt juon paredais ñan kamakoko. Ñe jej bōjrak ad yokwe Kraist im waanjoñak eo An, kabuñ enaj bed wot einwot juon menin aikuj ñan bokake juon laajrak in kakien ko.
13. Ewi wawein am maroñ in kōmman bwe aolep ren jelā kin kõtan eo am ibben eo ej ukōt mour eo am?
Kar kalbwin kōj ippān kōn peptaij ilo mej, bwe āinwōt an kar Kraist jerkakpeje jān mej kōn aiboojoj eo an Jemān, āindein barāinwōt jen etetal ilo mour ekāāl bwe ānbwinnin jerawiwi en jako (Rom 6:4, 6).
“Iar kallimur ñan juon wōt ļeo pālele, bwe in leḷọk eok āinwōt juon virgin erreo ñan Kraist” (2 Korint 11:2).
Uak: Peptaij ej kalikar jilu men ko raorōk ilo mour eo an juon eo ear bōk Kraist: (1) mij ñan jerawiwi, (2) lotak ñan juon mour ekãl ilo Kraist, im (3) juon “m̦are” ilo jitõb ippān Jisōs ñan indeeo. Kōtaan in ilo jitõb enaj kajoorlok im emõnlok ilo ien, joñan wõt ad wõnmanlok wõt ilo yokwe.
Anij ej sil mour in belele eo ad ilo jitõb
Ñan kōmman am belele ilo jitõb ibben Jisōs ñan indeeo, Anij ear kallimur bwe ejamin jolok yuk (Sam Ko 55:22; Matu 28:20; Dri Hibru 13:5), ñan lale yuk ilo nañinmij im ilo ejmour (Sam 41:3; Aiseia 41:10), im ñan kabwe aikuj ko otemjej remaroñ walok ilo mour eo am (Matu 6:25–34). Einwot am kar bōk E kin tõmak, liki E kin aolep aikuj ko ilju jeklaj im Ejamin jolok yuk.
14. Kwoj ke kōnan bōk Jisōs ilo mour eo am kiõ im jino bōk juon mour ekãl?
Uwaak: _____________________________________________________________________________
Kajjitōk ko ñan Ļōmņak
1. Ewi wāween an mej eo an juon armej maroñ in kōllaik jerawiwi ko an aolep armej? Ak ta elañe jej lukkun jerawiwi bwe Anij en lomoren kij?
Kinke aolep rar jerawiwi (Dri Rom 3:23) im kinke wõnãn jerawiwi ej mij (Dri Rom 6:23), juõn men ejej uan ej aikwiji ñan kajjojo armij eo ear lotak. Juon wōt eo mour eo an ej joñan wōt juon ippān aolep armej emaron̄ kar mej kōn jerawiwi ko an aolep armej. Kinke Jisōs ej Ri Kōm̧anm̧an im Rikōm̧anm̧an eo an aolep mour, mour eo Ear likūt eaar ļapļo̧k jān mour ko an aolep armej ro renaaj kar mour, Kin menin Ej barāinwōt maron̄ in lo̧mo̧o̧ren n̄an jem̧ļo̧kin ro rej itok n̄an Anij kōn E, kōnke Ej mour iien otemjej n̄an kōm̧m̧ane akweļap ko kōn er (Dri Hibru 7:25).
2. Elañe ij bōk Kraist im jeorlok bwid eo An ak innem bar buñ, enaj ke bar jeorlok bwid?
Jemaron in liki Anij bwe enaj bar jeorlok ad bwid elañe jej lukkun buromõj kin jerawiwi eo ad im kwaloke. Elañe jej kwalok jerawiwi ko ad, E tiljek im wānōk ñan jeorlok ad bwid im karreoik kij jen jab wānōk otemjej (1 Jon 1:9). Lale barāinwōt Matu 6:12 .
3. Ewi wāween aō maroñ kepaak Anij ilo jekjek in jerawiwi eo aō? Ejjab ke emmanlok elañe juon pris ak ri karejar en jar kin io?
Kinke Jisōs ear mour ilo kanniōk in armij im kar kabo e einwot kij (Dri Hibru 4:15) im ear anjo (Jon 16:33), Emaroñ jeorlok bwid ko ad; jejjab aikuj juon pris ak rikaki ñan kōmmane men in. Bar juon, 1 Timote 2:5 ej jiron kij bwe ewōr wōt juon Rikōllaajrak ikōtaan Anij im armej, Armej eo Kraist Jisōs. Kin mour eo an Jisōs, mij, jerkakpeje, im jar ko an kin kwe (Dri Rom 8:34), kwomaroñ kebak Anij im kwomaroñ etal ñan Ippān ilo peran! (Dri Hibru 4:16).
4. Ewōr ke jabdewōt men imaron̄ kōm̧m̧ane n̄an jipan̄ Anij lo̧mo̧o̧ren eō?
Jaab. Karōk eo an ej juon karōk in jouj (Dri Rom 3:24; 4:5); ej menin letok eo an Anij (Epesōs 2:8). Emool bwe einwot an Anij letok ñan kij jouj ikijen tõmak, Ej bareinwõt letok ñan kij kõnan im kajur ñan bokake E. Menin ej walok ilo ad bokake kien ko An ilo yokwe. Innem bokake in ej walok jen jouj eo an Anij! Pokake, jerbal in karejar im tiljek in yokwe, ej mālijjon̄ eo em̧ool an rikaļoor im juon leen eo ej waļo̧k jān tōmak ilo Jisōs Kraist.
5. Ñe Anij ej jeorlok bwid eo aõ, ij aikuj ke kōmman juon kain ukwelok?
Rom 8:1 ej ba, Inem ejelok liakelok ñan ro rej bed ilo Kraist. Jisōs ear kōllā wōnāān bōd ko ad, im ro rej bōk menin ilo tōmak rejjab aikuj jerbal in ukeļo̧k n̄an karreo, āinwōt an Jisōs kar karreoik kōj jān jerawiwi ko ad (Revelesōn 1:5). Aiseia 43:25 ej kwalok kallimur in eaiboojoj: N̄a, em̧ool N̄a, Ij Eo ej joļo̧k bōd ko am̧ kōn Eō make; im I jamin kememej jerawiwi ko ami. Micah 7:18, 19 ej kwalok jemlokin jeorlok bwid eo An ñan yuk: Wōn eo ej juon Anij einwot Kwe, ej jolok bwid im jolok bwid ko an ro rej bed wot ilo jolet eo An? E jab dāpij An illu ñan indeeo, bwe Ej ṃōṇōṇō ilo tūriaṃokake. Enaaj bar tūriaṃokake kōj, im kōttāik bōd ko ad. Kwōnaaj joḷọk aolep jerọwiwi ko ad ilo ṃwilaḷ in loṃaḷo.
Armij eo ñan kebaak
📌Jikin:
Muskogee, OK USA
📧 Email:
team@bibleprophecymadeeasy.org
